İndiki iş dünyasında həm işəgötürənə, həm də işaxtarana tezbazar effektiv həll lazımdır.
Şirkətlərdə gözləmirlər ki, kimisə işə götürək, 2 aya öyrənər, bişər, özünü inkişaf etdirər,. Yox, indi elə adam lazımdır ki, gələn kimi dərhal işə başlasın, qollarını çırmalayıb sürətli şəkildə işə başlasın.
Ortabab bir işçiyə 1800 manat vermək əvəzinə banklar razıdır ki, 3000 versinlər, amma götürdükləri adam tez işə başlasın. Baxmayaraq ki, 1800 manata işə gtürdükləri 3 aydan sonra 3000 manatlıqdan çox da fərqlənməyəcək.
İndi bu dəqiqə rekrutinq prosesi də dəyişib. Job description-a uyğun gələni yox, ən tez bir zamanda işə başlayan adam axtarılır. Elə adam axtarılır ki,
- gələn günün səhəri desin ki, “bu saytın back-end hissəsi pisdir, təcili bunu PHP-dən çıxardıb Ruby-də yazaq”
- satış meneceri gəldiyi gündən özünə siyahı hazırlasın ki, “mən bu həftə hansı müştərilərə gedəcəm”
- markteinq şöbəsinə gələn kimi desin ki, “Bakıda OOH üçün reklamların hamısını dayandırırıq, konversiyaları ölçmək üçün analitikanı qururuq, 2 günə Aleph Group-la müqaviləni imzalayıb TikTokda rekamları veririk. Nə vaxt performance-marketing işlərini tam qurtararıq, ondan sonra çöl reklamına çıxarıq”.
- call-center üçün 1 aya FAQ faylı hazırlamasın, elə əlində hazır skriptlər olan FAQ faylıyla gəlsin.
İşəgötürənlər “səbirsiz” olublar.
Eyni şey namizədlərə də aiddir. Yaxşı namizəd oturub HR şöbəsinin havalı vədlərini gözləmək istəmir ki, “maraqlı perspektivlər gözləyir sizi, ilin sonunda nəticələr yaxşı olsa sizə müəyyən bonuslar verilə bilər“.
Namizəd elə intervyu zamanı bilmək istəyir ki, hansı KPİ-lar var və nə qədər bonus veriləcək. Namizədlər tələb edir ki, sualların cavabını tez bilsin: konkret olaraq ona nə qədər aylıq maaş və hansı benefitlər veriləcək, gələcək üçün aydın karyera cığırı necə olacaq, filan şey olmasa nəticəsi nə olacaq və s.
Beləliklə, bazarda çox tələsən işəgötürən və işaxtaran qismi var:
- İşəgötürənlər (biznes) tez bir zamanda effekt, yaxşı nəticə, məhsuldarlıq istəyir.
- Namizədlər də öz işlərinə görə aydın və ədalətli mükafatlandırma istəyir.
Getdikcə də hər tərəf daha çox tələsir, tezbazar nəticə əldə etmək istəyir.
Əvvəllər rekrutinq prosesi uzun-uzadı vaxt çəkərdi, indi son zamanlar daha çox eşidirəm ki, vakansiya qoyulandan sonra 2 gün ərzində işəgötürən xoşuna gələn namizədə job offer verir (əvvəllər belə şey nadir hallarda olurdu).
Namizəd notice periodunu 1 aydan 1 həftəyə qədər aşağı salarsa, namizədin maaşına +200 əlavə təklif edilməsi keysi də var.
Qısası, tələsn dünyamızda indi hamı tezbazar nəticə əldə etmək istəyir. Ona görə də çox-çox sürətlə işləmək lazımdır:-)
